Eyþór Arnalds er vinur minn

Jæja þá er maður búinn að eignast fyrsta vininn, mér líður smá eins og þegar ég fékk bílpróf. Sætasta stelpan vildi fá far hjá mér á ballið, svo ég helt ég fengi eitthvað hjá henni í staðinn, en nei, hún var ekki til í að gera sitt gagn eins og sagt er. Brennt barn forðast eldinn, þannig að Eyþór minn þú skalt ekki láta þér detta það í hug að ég ætli að fara skutla þér Reykjavík-Selfoss- Hreiðurborg út í eitt. Við höldum vinskapnum hér.Kannski er ég of grimmur, kannski brenndur eftir sætu stelpuna, en nú ætla ég að vera jákvæður og taka fyrst netvini mínum opnum örmum. Maður á ekki að dæma fólk af útlitinu og Eyþór því segi ég megi vinátta okkar vara um alla eilífð.

..ef þú átt vin í raun

Hvernig eignast maður vini? Núna er ég búinn að búa í blog-hverfinu í 5 daga, en á engan vin. Svo koma svona new-kids-on-the-blog-gaurar eins og Eyþór Arnalds og á fyrsta degi á hann 28 vini !!! Ég hefði haldið að það yrði akkurat öfugt, það er sko ég sem er með bílpróf........

Allir litir regnbogans

Núna kvíður mér fyrir næsta geðvonskukasti hjá Davíð Odds og óska þess heitt að hann hækki ekki stýrisvextina. Ég sem var svo fegin þegar hann hætti sem formaður sjálfstæðisflokksins, en mikið vildi ég finna leið til að fá hann aftur.

Eftir að hann hætti hefur hver höndin verið upp á móti annari. Þar er engin festa og flokksmenn vita ekkert hver verður stefna flokksins á morgun og hver myndar þá stefnu. Geir gerir ekki sama gagn og Davíð, það er alveg ljóst.

Davíð var alveg vitlaus þegar fálkinn á mogganum varð bleikur í vor.

'I morgun varð hann grænn en Davíð segir að hann eigi að vera blár, samt ekki ljósblár.

Ég er farinn að halda að blái liturinn standi fyrir það sama og blái liturinn á myndunum í Hagavídeó.

Það er svolítið eins, liðið hans Sveins

Þetta skyrir kannski færsluna fyrir neðan, rússnesk kosning. Takið eftir fréttatilkynningarbragnum á þessari frétt, þau voru öll kosinn með rússneskri aðferð en í "fréttinni " er talað um að Steingrímur hafi verið kosinn með miklu lófaklappi og " Engin mótframboð voru til formanns og varaformanns.Guðrún Ágústa Guðmundsdóttir var kjörin nýr gjaldkeri flokksins en þær Sóley voru einnig sjálfkjörnar".

Öll fjögur fengu rússneska kosningu. 

Guð forði okkur frá VG

Þessi ályktun er ótrúleg. Var samstaðan algjör?  Ég hefði viljað vera á fundinum og sjá og heyra þetta fólk tala um "klámfólkið"

Þessi ráðstefna vg er sennilega öll sannfærð um að það sé búið að gera heiminn betri.

Ég er nokkuð viss um að hótel saga verður kærð og jafnvel eitthvað af þessu ofstækisfulla fólki verður kært fyrir ærumeiðingar.

 

Árni játar

Já það var ekki Árni Johnsen núna, heldur nafni hans og flokksbróðir Árni Mathiesen sem gerði síðustu játningu. Það er samt ekkert fyndið að kalla þá járnana, er það?

Frjálsir framsóknar feministar

Ég er að fara til London næstu helgi, vona að ég fái gistingu á hótelinu þó einn úr hópnum sé veiðimaður og íslendingar veiði hvali. Vona að mér verði ekki úthýst þó bretar séu á móti hvalveiðum.

Ísland er hálfgert fasistaríki. Nike ætlar að senda fólk hingað í óvissuferð í vor, ætli ríkisstjórnin banni það, því Nike er með barnaþrælkun. Ríkisstjórnin ætti í það minsta að kanna það.

 Afhverju eru íslensk stjórnvöld svona hrædd við túristana sem ætluðu að koma hingað og eiga það sameiginlegt að starfa við klámiðnaðinn, hann er að mörgu leiti viðurkenndur í okkar þjóðfélagi. Margar verslanir selja klámmyndir. Væri ekki nær hjá svona siðprúðu fólki að eyða frekar púðri sínu í að upplýsa fólkið sem kaupir klám? Ég spurði frjálslyndan sjálfstæðismann, hvort ríkisstjórnin væri brennd eftir hálf misheppnaða ríkisframleidda klámmynd úr Byrginu. Hann vildi meina ekki. Þetta væru mest femenistabeljur að rífa kjaft. Feministi sem slíkur, skilar ekki hagvesti, það gerir klámið. Allir sáttir.

Hótelstjórinn á hótel sögu segist hafi neitað “klámhóppnum” inngöngu vegna þrýsting frá stjórnvöldum. Nú verð ég að spyrja stjórnvöld hvort þessi andlega sjálfsfróunar hreinsun hafi tekist vel?

  Svo sá ég að Bjarni Harðar er svag fyrir klámi og vill ekki að framsóknarþingmenn verði á hótel sögu um svipað leiti og fólkið úr klámiðnaðinum átti að vera þar. Já ef maður er svag fyrir einhverju er gott að þekkja sín takmörk og halda sig sem lengst frá því forboðna.

Ráðlagður dagsskammtur af Sirrý

Skrítið að fólk þurfi alltaf að vera að miða þyngd fyrirbura við smjörstykki. Vá fæddist hún bara rúmar 4 merkur 1060 gr, það er bara eins og tvö smjörstykki. Það er eitthvað við þetta sem mér finnst ekki passa.

Sirrý fór reyndar alla leið með þetta í morgunþættinum. Gissur fréttamaður sagði að í bandaríkjunum hefði fæðst barn sem væri 284 gr og svo voru þau að velta fyrir sér hvað það væru margar merkur, þá skítur Sirrý inní “að ráðlagður fiskskammtur á dag væri 250-300 gr, þannig að við getum séð hvað barnið er lítið”. Sirrý klikkar ekki.

Ég kann ekkert bítlalag !!

Skil ekki afhverju Liverpool sektaði Bellamy. Held að þetta sé eina leiðin fyrir þá til að verða meistarar, að Bellamy fái að ganga á milli þeirra sem ekki kunna fotbolta og berja undan þeim fætunar.

En að öllu gamni slepptu, afhverju er maður ekkert hissa að laglaus, rauðhærður norsari sem heldur að hann sé fínn í fótbolta, sé lamin af breta á spáni.

Byrja

Það er nú ekki það gáfulegasta í heimi að byrja að blogga. Það sem er rétt í dag er vitlaust á morgun og það sem var sniðugt í gær er langt yfir markið í dag.Svo er spurning hvort einhver hafi gaman af að lesa það sem ég hugsa og svo afhverju þessi einhver hafi gaman af því. Erfiðast er að byrja, á ég að vera væminn, harður nagli eða fyndin?Það væri samt mest töff að byrja þetta á einhverji stóri yfirlýsingu “Það myndaðist vissulega hola í blog-heiminn þegar Hrafn Jökulsson hætti og ég held að ég sé rétti maðurinn til að fylla þá holu” En þegar ég skrifaði þetta, þá virkaði það ekki.Ég sagði afa mínum að ég ætlaði að fara blogga. Afi á ekki tölvu og hefur ekkert alltof mikla trú á þeim. Hann bað mig um að fara alls ekki í þetta blog, sagði að ég mætti ekki gera honum það. “Þetta er viðbjóður og að þér skuli detta þetta í hug”. Ég fann að við vorum ekki alveg samstiltir og spurði hann því hvort hann hefði lesið blog. “nei en ég heyrði Jóhannes í Kompás tala um Ágúst og blogið”