Tilraun 1

Hef verið mikið í bústað í Grímsnesinu undanfarið. Þar hef ég gefið "meintum" fuglum brauð á hverjum morgni. Ég ríf 2-3 brauðsneiðar niður á milli sex og átta á morgnana. Eg kem oft seint heim eftir erfiðan vinnudag og þá er brauðið búið. Í fyrstu taldi ég öruggt að hér væri um fugla að ræða og hef sagt mínum nánustu að ég hugsi vel um náttúruna, Þrastaskóg og það sem í honum býr.

En svo fór ég að efast um að kannski væru þetta ekki fuglar sem myndu borða brauðið, þannig að ég gerði smá könnun, hún er ekki vísindaleg en með leyfi höfundar er ykkur óhætt að vísa í hana. Ég sett banana á pallinn hjá bústaðnum í gærmorgun og þegar ég kom heim, seinnipartinn, var hann þar enn. Það segir okkur að ekki búi viltar apategundir í Þrastaskógi.

Athugasemdir

[Gaui Sigurjóns (IP-tala skráð) 27.2.2007 kl. 16:42]

Þetta segir okkur einfaldlega að fuglar borða ekki banana.

[Tómas Þóroddsson, 27.2.2007 kl. 16:55]

Jájá Gaui, ert þú dýra-atferlis-fræðingur?

[Sigurður Fannar (IP-tala skráð) 27.2.2007 kl. 18:17]

Nei Guðjón Ægir er lögfræðingur, en takmarkalaus áhugi hans á dýrum vaknaði í kringum 14 ára adurinn..