XB

Mínútu eftir að ég vaknaði í morgun, vissi ég nákvæmlega hvernig þeim þúsundum manna, sem á hverju ári sjá tákn að handan líður.  Ég byrja daginn alltaf á því að opna svalahurðina og pissa út.  Núna í morgun er ég horfði yfir landareign mín frá austri til vesturs, sá ég hvar í grasi mínu grænu var tákn.  Þarna var og er eins og meðfylgjandi mynd sýnir táknmyndin XB.  Samkvæmt Magnúsi Skarphéðinssyni hafa aðeins örfáir menn séð þessa táknmynd. 

  

Það varð mér til happs að ég var nýbyrjaður að pissa og komst ekki í símann til að skrá mig í framsóknarflokkinn.  Ég hafði því smá tíma til að taka sönsum frá eigin hugsun. 

  Eftir smá rökræður við mig, komst ég að því að þetta eru skemmdaverk Framsóknarmanna og það er þeim líkt.  Eyðileggja allt grænt. Vissulega get ég að einhverju leiti kennt sjálfum mér um, það á ekki að vera mitt hlutverk að segja hvernig Framsóknarmenn eru.  En nú er ég hættur, þið fáið frí frá mér.  Nú hef ég ákveðið að gagnrýna Framsókn ekkert fram að kosningum og athuga hvort fósturjörðin mín sleppur við fleiri skemmdaverk.  En eftir kosningar, þá.......

 

Athugasemdir

[Jenný Anna Baldursdóttir, 11.5.2007 kl. 12:06]

hahahahaha

[Fanney Dóra Sigurjónsdóttir, 11.5.2007 kl. 12:34]

 Snillingur!

[Heiða B. Heiðars, 11.5.2007 kl. 12:55]

Jú... Tommi þarf bara að vera nógu duglegur að pissa framan af svölunum. Þá hlýtur þetta að lagast með tímanum.

Hitt er verra... Framsókn lagast aldrei

[Iss (IP-tala skráð) 11.5.2007 kl. 16:08]

Ég held nú að menn þurfi að fara að taka hausinn úr sandinum og fatta þegar að æðri máttarvöld reyna að fá þá til að sjá "hið rétta" :) Grasið grær en atkvæðið kemur ekkert til baka þegar þú loksins fullorðnast Tommi.

[Jóna Á. Gísladóttir, 11.5.2007 kl. 21:23]

hehe

[Guðríður Pétursdóttir, 11.5.2007 kl. 23:57]

samfylkingin gaf mér verðandi tré... þú getur spurt hvort þú megir ekki fá fullt af svoleiðis til að fela þetta ...

annars ætla ég hvorki að kjósa essið né béið, og heldur ekki déið, með eða án Björns Bjarna......

Kannski skila ég bara Auði