Árshátíð í skólanum

Fór á árshátíð skólans í morgun.  Þessi árshátíð var keimlík árshátíð síðasta árs, allt í frekar hefðbundna átt og finnst mér aðallega skortur á ferskleika einkenna alla vinnu barnanna. 

 

Þegar inn í skólann er komið blasir við myndlistarsýning hjá krökkunum.  Var allt yfirbragð málverkana í byrjanda stíl og fannst mér vanta alla heildarmynd á sýninguna.  En þó var ljós í myrkrinu, því virkilega falleg og kómísk mynd í barrok-stíl vakti strax athygli mína og verð ég að fá að þakka Aron Pétri í 5. A.G. fyrir hana. Ekki síður vakti athygli mynd eftir Freyju í 1. H.J.H.  Þar teiknar hún kónguló sem er bleik, en eftir mínum bestu heimildum eru ekki til bleikar kóngulær.  Einnig vill ég benda Sigríði Petru á að sólin er ekki með augu, væri gott ef það yrði lagað og fannst mér líka mikill löstur við myndina, að hún skrifaði ekki nafn sitt sjálf, þarna var greinilega rithönd kennara.

 

Þegar inn í sal var komið tók við allt of löng bið eftir leikriti um Hróa Hött.  Þegar svo leikritið loksins byrjaði, var biðin ekki þess virði.  Aðalleikarinn, sem ég náði nú ekki nafninu á, átti ekki sinn besta dag.  Hann gleymdi í þrígang texta sínum og finnst mér það vera ábyrgðarhluti hjá leikstjóra að benda barninu ekki á, að þetta er ekki hans vegur í lífinu.  Aðrir leikarar sluppu ágætlega frá sínum hlutverkum, að undanskildum rauðhærða stráknum sem lék hestinn hans litla Jóns.  Yfirlæti, látalæti og alltof hástemmt hnegg virkaði ekki sannfærandi á mig.  Leikmyndin var í ódýrari kantinum og var erfitt að greina á milli tímamismun atriða í flestum tilfellum, virtist sagan að mestu öll gerast á einum degi.

 Kórinn sem söng í lokaatriðinu hljómaði ekki vel.  Alla dýft og fyllingu vantaði í “krummi sat í klettagjá” eins fannst mér útsetning á “Lóan er komin” ekki góð, þar er illa farið með annars ágætis lag.Má því með sanni segja að þessi árshátíð hafi ekki verið uppá marga fiskana og var ég hissa á miklu klappi og greinilegt er að metnaðarleysi foreldra og aðstandenda er algjört

Athugasemdir

[Jóna Á. Gísladóttir, 15.5.2007 kl. 12:36]

Þú ert illa innrættur Tommi

[Heiða B. Heiðars, 15.5.2007 kl. 12:38]

Ég held að þú hafir náð að skrifa eitthvað sem er eins "politicly uncorrect" og hægt er!!

Og ég á líklega eftir að hlægja af þessu það sem er eftir dagsins

[Fanney Dóra Sigurjónsdóttir, 15.5.2007 kl. 13:13]

Var dresscode?

[Guðríður Pétursdóttir, 15.5.2007 kl. 15:28]

kannast við þetta

[gilitrutt (IP-tala skráð) 15.5.2007 kl. 16:38]

frábær leikdómur- besti sem ég hef lesið!

Gilitrutt

[Elli Joð. (IP-tala skráð) 15.5.2007 kl. 16:49]

Þetta er bara alltof góð færsla. Ég varð bara að kommenta á það því ég hló allan tímann sem ég las það og ég las það upphátt (sem er erfitt þegar maður er líka að hlæja).

 En já, til hamingju með bloggið og kosningarnar Tommi! (hah, green með kosningarnar samt..)

[Ágústa R. (IP-tala skráð) 15.5.2007 kl. 19:16]

Voru engir frægir á staðnum? Það skiptir máli ...

[Ásdís Sigurðardóttir, 15.5.2007 kl. 21:35]

Það sem veltur upp úr þér, geturðu ekki tæklað fleiri "menningarviðburði" á sama hátt, t.d. Vorskipið sem kemur 18.maí.??

[Rúna Guðfinnsdóttir, 15.5.2007 kl. 21:36]

Skólaleikrit eru ALLTAF  leiðinleg og krakkarnir óagaðir í alla staði, sérstaklega þó ungir áhorfendur sem eyðileggja allt fyrir krakkaskömmunum sem hafa æft í marga daga fyrir sýningu. Þú hefur bara einstakt lag á að láta allt hljóma einstaklega fyndið  og eðlilegt. Alltaf góður

[Eva Þorsteinsdóttir, 15.5.2007 kl. 23:49]

Var að koma af bekkjarkvöldi frá helvíti!

Kannski maður bloggi það bara ;)

[Tryggvi Freyr Jónsson (IP-tala skráð) 16.5.2007 kl. 00:11]

Já það verður ekki tekið af krökkum nú til dags að þau eru öll fífl. Engin metnaður til neins nema að spila playstation. Ég man þá daganna þegar að ég og Tómas vorum ungir, verkin okkur vöktu áhuga hjá listfróðustu mönnum og níu ára vorum við byrjaðir í síld á sumrin ;)

[Þorsteinn Gunnarsson, 16.5.2007 kl. 00:55]

[Anna Ólafsdóttir (anno) (IP-tala skráð) 16.5.2007 kl. 01:38]

EF sálfræðimeðferð gengur út á það að brjóta fyrst niður og byggja svo upp aftur þá gætir þú örugglega fengið 50% starf sem sálfræðingur við þennan skóla  

[Erla Ósk Arnardóttir Lilliendahl, 16.5.2007 kl. 12:05]

 lol

[Ibba Sig., 16.5.2007 kl. 12:37]

*Fruss*

Algerlega geggjaður pistill og út yfir öll leyfileg mörk! 

[Heiða Þórðar, 17.5.2007 kl. 10:38]

innlit-útlit

[Edda Agnarsdóttir, 17.5.2007 kl. 12:18]

Bíddu! Ert þú ekki eitt foreldrið?

[Solveig Pálmadóttir, 18.5.2007 kl. 09:06]

hahaha!!!! þú ert snillingur.

Þorir að segja það sem aðrir hugsa

Kveðja 

[JG (IP-tala skráð) 23.5.2007 kl. 14:04]

 Alltaf jafn skemmtileg sýn á hlutina hjá sumum!!