vinna sér inn aur

Vaknaði á Akureyri.  Betra að vakna þar en sofna.  Fékk mér lúku af kandís í morgunmat og burstaði svo vel tennunar.  Keyrði inn fjörðinn og rukkaði moggann hjá bændum, það gekk mjög vel og sérstaklega vel hjá þeim sem voru áskrifendur af mogganum.  Fékk það út að áskrifendur moggans eru mjög gestrisið fólk og þau eru vingjarnlegri og kurteisari en annað fólk.  Fékk m.a hótun um að á mig yrði sigað löggu ef ég ekki hypjaði mig úr Eyjafirði, frá einum sem ekki var áskrifandi.  Á einum bænum var mér boðið inn í kaffi og pönnukökur, það er alveg ótrúlegt hvað ég get borðað mikið af pönnukökum þegar ég byrja.  Húsfreyjan hafði vart undan að baka ofan í mig og hikstandi kenndi ég heimilisfólkinu svo á tölvu.

 Þegar ég svo aftur kom inn á Akureyri voru þeir byrjaðir að halda upp á 17. júní, eins og meðfylgjandi mynd sannar.  Þeir segjast alltaf halda upp á hann þann 16. júní.  Einu svörin sem ég fékk þegar ég spurði afhverju var “við þurfum nú ekki að vera eins og þeir fyrir sunnan”

Ætla að kíkja á dansleik á eftir og er orðinn fullur eftirvæntingar að fara dans við heimasætur höfuðstað norðurlands.

Athugasemdir

[Guðríður Pétursdóttir, 16.6.2007 kl. 23:52]

Áskrifendur af hvaða blaði/blöðum voru hinir? Eða var restin bara með áskrift af bílablöðum? eða það sem verra er ekki áskrifendur af NEINUM blöðum

[Jóna Á. Gísladóttir, 17.6.2007 kl. 01:17]

Hlakka til að heyra hvernig heimasæturnar taka þér. Þetta bara getur ekki farið vel.

[Hjalti Árnason, 17.6.2007 kl. 10:17]

Löggan á Akureyri kallaði inn allann tiltækan mannskap vegna skrílsláta á föstudagskvöldið. Það eru greinilega fleiri en ég sem langar að lemja einhvern þegar ég heyri dúmbó og steina

[Heiða B. Heiðars, 17.6.2007 kl. 23:00]

Jeminn! Ég held að heimasæturnar á Akureyri hafi étið Tomma í morgunverð!

[Anna Ólafsdóttir (anno) (IP-tala skráð) 17.6.2007 kl. 23:54]

Tommi! Ert ÞÚ, bloggvinurinn minn, einn af þeim sem hefur verið að spæna dekk hérna rétt hjá húsinu mínu og fá mig til að hugsa ofbeldisfullar hugsanir ????

[Brynja Hjaltadóttir, 19.6.2007 kl. 01:30]

VAR TOMMA RÆNT AF NORÐLENSKUM HEIMASÆTUM?

[Fanney Dóra Sigurjónsdóttir, 19.6.2007 kl. 14:07]

Nú er ég komin aftur á Ak en ekkert bólar á Tomma... það eru aftur á móti leifar af rauðum vindjakka hengdar uppá fánastöng á Ráðhústorgi. Í hverju sást hann síðast? Eigum við bloggvinir hans á láta lýsa eftir honum?

[Erla Ósk Arnardóttir Lilliendahl, 21.6.2007 kl. 17:48]

Þetta hefur verið rosalegt dansiball...