af leið

Það er margt fyndið og skemmtilegt búið að gerast í þessari ferð og þorpin misjöfn eins og þau eru mörg.  En á Sauðarkróki átti að berja mig af unglingahóp, því þau héldu að ég væri Hallgrímur Helgason, það fannst mér ekki fyndið.  Ung stelpa í hópnum sem var með greindarvísitölu upp á ca 80 og kom mér þess vegna til varnar, sagði að Hallgrímur væri sköllóttur og að ég væri ekki alveg sköllóttur.  Ég hélt kúlinu og labbaði rólega inn í bíl, setti bílinn í gang, lækkaði í útvarpinu.  Horfði beint fram, skrúfaði niður rúðuna og setti á mig beltið.  Leit svo í átt til unglingana, kinkaði þrisvar sinnum kolli og öskraði svo “Geirmundur Valtýrs býr hér”  og reykspólaði í burtu,  þau horfðu á eftir mér alveg mát.

  Ætlaði síðan að drífa mig á Skagaströnd en áttaði mig á að sennilega væri ég kominn af leið er ég keyrði svangur í gegnum Hvalfjarðargöng og tók þessvegna ekki í mál að borga.  Ætla að gista í Mosfellssveit í nótt og halda sem leið liggur í Reykjavíkurborg í fyrramálið, en Reykjavík er jú hin borgin á Íslandi.  Þannig að ég ætti að kunna vel við mig þar.  

Athugasemdir

[Eiríkur Harðarson, 27.6.2007 kl. 00:20]

Ekki erfitt að rugla þér saman við Hallgrím Helgason

[Guðríður Pétursdóttir, 27.6.2007 kl. 00:28]

við Reykvíkingar hlökkum til að fá þig

[Rúnarsdóttir, 27.6.2007 kl. 08:33]

Farðu varlega í borg óttans Tómas. Það getur verið flókið að keyra um í sveitarfélagi hinna stífu ljósastaura eins og Árborgarmenn vita ...

[Anna Einarsdóttir, 28.6.2007 kl. 09:29]

Djö... ertu góður, hahahaha   Geirmundur Valtýs býr hér, hahahahaha.

[Ásgeir Rúnar Helgason, 9.7.2007 kl. 08:10]

Já, er þetta satt?

Átti að berja Hallgrím á Sauðarkróki (væntanlega fyrir Rokland)?

Þessu verðurðu nú að skila til hans ef þú att leið um Hrísey og skilaðu kveðju frá mér í leiðinni.