Frá Glæsibæ að Austurvelli

Reykjavíkurborg er eins og Árborg falleg á að líta og flestir vilja þar búa.  Það er kannski engin tilviljun að þetta séu einu borginar á Íslandi.  Byrjaði að sjálfsögðu á að fara í Glæsibæ, alltaf jafn skemmtilegt að koma þangað.  Glæsibær er sannkallað fjölmenningarsamfélag, gítarspil á hverju horni, krakkar að dansa tangó, götulistamenn, töframenn, hópur af kínverjum í leikfimi, pakistani að selja nýbrenndar hnetur, færeyingar að dansa viggivagga og frumbyggjar Ástralíu að blása í gegnum rör. 

Í Glæsibæ voru fermingarfötin mín keypt, grá jakkaföt, hvít skyrta, fjólublátt bindi og hinir krakkanir sögðu að það væri hommalegt.

 Tók leiðbeiningum um að skoða eitthvað nýtt og fór niður í bæ, þar var enn meira að fólki.  Einn af fyrstu mönnunum spurði mig hvort ég ætti 200 kr, en það átti ég einmitt ekki.  Sá að hann fékk penning hjá konunni sem kom á eftir mér, svo ég var fljótur að hugsa og stökk fyrir framan þennan mann og var á undan honum að spyrja alla hvort þeir ættu 200 kr.  Í stuttu máli þá gjörsamlega átti ég svæðið, fékk allan peninginn, en hann ekki neitt.

 Kannski ekki alveg sanngjarnt af mér að monta mig á að hafa fengið langtum meiri pening en hann, þar sem ég var mun betur klæddur en hann og fólk vill frekar umgangast þá sem eru vel klæddir.

 Varð mjög hissa á að búið væri að gera styttu af Jóni Sigurðssyni strax, hann reyndar rústaði Framsókn og á þessvegna kannski allveg skilið styttu strax.Fékk mér svo herbergi á hótel Borg fyrir allan peningiunn sem ég græddi og ætla aftur í fyrramálið að fá 200 kall hjá fólki.

Athugasemdir

[Eiríkur Harðarson, 27.6.2007 kl. 23:17]

Tommi þú ert nú meiri sígaunaherman eða kannski eins og Hrói Höttur(vel klæddur)vonandi ertu ekki í fermingarfötunum þínum ennþá. Næst ættirðu að fara í Glæsibæ, frekar í Dressmann göngulagið er nefnilega svipað og í auglýsingunum. Nóg um það sofðu vel á Hótel Borg.

[Guðríður Pétursdóttir, 27.6.2007 kl. 23:24]

Ég hélt þú ætlaðir að gista úti á svölum hjá mér...

en ætli hótel borg sé kannski ekki skárri kostur.......

[Jóna Á. Gísladóttir, 28.6.2007 kl. 01:01]

þaddna kom loksins skýringin á þinni mjög svo undarlegu hegðun. Þú hefur aldrei jafnað þig eftir eineltið í kringum ferminguna þína. Ég get bent þér á góðan geðlækni Tommi minn.

[Laufey Ólafsdóttir, 28.6.2007 kl. 01:09]

Ég er sko handviss um að enginn heiðvirður hommi verslar sér jakkaföt í Glæsibæ og alveg örugglega ekki grá jakkaföt og fjólublátt bindi. Not even in the 80's. Held að þarna hafi viðkomandi meint "hallærislegt" en ekki viljað særa þig. Hate to break it to you.

[Ása Gréta (IP-tala skráð) 28.6.2007 kl. 17:08]

Þú ert einn skemmtilegasti bloggari sem ég hef lent á - maður fær aldrei leið á skrifunum þínum - ég dáist að hugmyndafluginu sem þú hefur!

[Eiríkur Harðarson, 30.6.2007 kl. 01:53]

Tommi ég skal borga þér 200 kall fyrir það eitt að vera örlítið duglegri við að skrifa inn ný blogg.

[Ásdís Sigurðardóttir, 30.6.2007 kl. 13:18]

Tommi þú ert drepfyndinn, hvenær kemurðu austur? ætla að panta rauða dregilinn

[Guðríður Pétursdóttir, 1.7.2007 kl. 04:18]

Tómas... hvar munuð þér vera staddir þessa stundina er vér pikkum orð á tölvu vora. Eruð þér orðnir tómir í kolli yðar eða eigið þér aldrei afturkvæmt í bloggheim voran? (hver getur sagt mér hvað af þessu var rétt)

[Elín Katrín (IP-tala skráð) 1.7.2007 kl. 16:17]

Var að svipast um eftir þér í gær.....var stödd í Glæsibæ. Ertu kannski kominn í Kringluna??????

[Elín Katrín Rúnarsdóttir (IP-tala skráð) 2.7.2007 kl. 12:52]

Á ekkert að blogga meira????

[Anna Einarsdóttir, 7.7.2007 kl. 19:41]

Ég held að hann sé kominn til Færeyja að dansa viggivagga.

[Guðríður Pétursdóttir, 7.7.2007 kl. 21:51]

já,fyrir alla 200 kr sem hann sníkti

[Ása (IP-tala skráð) 8.7.2007 kl. 17:17]

Jæja Tommilíus - bara ekkert bloggað?

[Ásgeir Rúnar Helgason, 8.7.2007 kl. 22:10]

 Tómas, þú skrifar =

"Í Glæsibæ voru fermingarfötin mín keypt, grá jakkaföt, hvít skyrta, fjólublátt bindi og hinir krakkarnir sögðu að það væri hommalegt."

Elsku kallinn, þú hefðir átt að sjá mín fermingarföt = dökk fjólublá, rósótt skyrta og skræpótt bindi.

Allir hinir strákarnir í svörtum jakkafötum, hvítri skyrtu og með svara þverslaufu. Þetta var árið 1970 og ég var 13 ára.

Ég sakna þeirra tíma og uppreisnarandans gegn normum og kröfum sem gegnsýrði mig á þeim tíma (og gerir e.t.v. enn?).

[Fanney Dóra Sigurjónsdóttir, 8.7.2007 kl. 22:31]

Þetta hefur greinilega verið heljarinnar hringferð hjá þér Tómas...