Ferðahandbók, fyrri kafli.

Eftir viku dvöl í Reykjavík langaði mig aftur heim.  Ég veit ekki afhverju ég fór norðurleiðina, en úr því sem komið er, er ég ánægður. 

Ég hafði tekið eftir því að á hringferð minni voru allir hamborgarar eins og allar aspassúpur með hæfilegu magni af Óskars kjötkrafti og trénuðum Ora aspas úr dós.  Þannig að það sem ofan í mann fer er eins, en staðurinn sem því er skilað á er það ekki og fer hér á eftir fyrri kafli úr óútgefinni ferðahandbók:

  

Hin sjoppan í Borgarnesi er mun skemmtilegri en Hyrnan, sem geymir flest það súra við íslenska ferðaþjónustu.  En hin sjoppan er með snyrtilega snyrtingu, en þó aðeins eitt klósett til að kúka á og var ég þar á löngum köflum hálf einmanna.

  

Flestir ferðamenn sjá Staðarskála sem sinn áningarstað og er það vel.  Þar eru reyndar frekar þreytulegar grænar flísar niður tröppunar á salernið, en af salerninu er fallegt útsýni yfir heiði, á og rafmagnslínu.  Þar eru þrjú klósett sem hægt er að loka að sér og þrjár skálar, auk einnar barnaskálar, en segja má að það sé standard íslenskt-hringvegar-klósett.  Reyndar var full mikið bergmál inni á klóseti fyrir minn smekk, sem Frakkar, er ég átti spjall við, hafi ekki verið mér sammála.

  

Í Essó-skálanum á Blönduósi er klósetin flíslögð í hólf og gólf, mikið opið rými á milli klósetta þannig að lykt dreifist vel á milli svæða.  Þar er einnig mjög notarlegt að sitja og hlusta á spilakassana frammi.

  

Gaman er að koma í Varmahlíð, þar tekur á móti manni mahoni-hurð að salerninu og er skemmtilegt hvernig hún dýpkar pissulyktina sem inni á klósetti er, já þeir vita hvað þeir vilja hjá kaupfélagi Skagfirðinga.  Svo þegar út af klósettinu er komið, blasir við smurbrauðs kælirinn með öllum sínum kræsingum.

  Glerártorg á Akureyri skartar stærsta klósetti hringvegarinns.  Það er rúmt og gott, hátt uppí neðra þil á milli klóseta sem auðveldar mjög að sjá hverslags manneskja er á næsta klósetti og þarf aðeins að halla höfði örlítið til að sjá skó og buxur “nágrannans”.  Vill ég hvetja verta framtíðarinnar að hafa þetta í huga, ca 40 cm frá gólfi að neðri brún.

Athugasemdir

[Sædís Ósk Harðardóttir, 9.7.2007 kl. 23:53]

´Hvaða klósetti mælir þú þá helst með þegar ég legg i næstu reisu? Gott að vita hvar best sé að gera þarfir sínar

[Anna Einarsdóttir, 10.7.2007 kl. 00:06]

Ég var að maula cheerios þegar ég las þig fyrr í kvöld.  Ég yfirgaf síðuna í snatri.  Þú skrifar ekki mjög lystaukandi pistil í dag.  

[Fanney Dóra Sigurjónsdóttir, 10.7.2007 kl. 00:06]

It´s alive!

Gott að þú haldir hringferðinni áfram. Vinnandi fólk getur þannig ferðast um landið án þess að þurfa að tjalda, sofa í drullusvaði eða vera bitinn af mýflugu. Takk! 

[gerður rósa gunnarsdóttir, 10.7.2007 kl. 00:24]

Já ég man eftir þessari rafmagnslínu.

[Jóna Á. Gísladóttir, 10.7.2007 kl. 00:41]

Takk fyrir upplýsingarnar. Maður kúkar nú ekki hvar sem er og þetta verður ferðahandbókin næst þegar ég leggst í ferðalag innanlands.

[Heimir Eyvindarson, 10.7.2007 kl. 03:35]

Ég var að vona að þú ætlaðir að kommenta á hamborgarana á hinum ýmsu stöðum, ekki afleiðingarnar . Það hefði verið gaman að heyra álit matreiðslumeistarans á kýrkjötinu og karbónaðinu sem tröllríður vegasjoppum landsins.

En hafðu endilega góðar hægðir á heimleiðinni, og ef þú ert að leita að sérstaklega vondum mat til að maula á leiðinni austur fyrir þá skaltu ekki hika við að hafa samband, ég get bent þér á þó nokkra alslæma staði .

[Brynja Hjaltadóttir, 10.7.2007 kl. 13:47]

Takk Tommi minn. Nú verður það einlægur ásetningur að halda sem lengst í mér ef ég þarf að ferðast norður

[Elín Katrín Rúnarsdóttir. , 10.7.2007 kl. 19:04]

Ég held ég noti bara kjarrið næst þegar ég fer í frí, annars átti ég einu sinni ferðaklósett sem ég tók með mér á sveitaball og því var flaggað hátt upp í fánastöng. Ætli það sé þar ennþá????

[Kristján Eldjárn Þorgeirsson, 10.7.2007 kl. 23:26]

Snilld  hjá þér frændi.  Þarft að upplýsa um þetta.

[Eiríkur Harðarson, 11.7.2007 kl. 13:15]

Tommi af lýsingum þínum að dæma ert þú trúlega haldin jafn"skítlegu eðli" og fyrrverandi forsætisráðherra. Það sem virðist við fyrsta lestur þinna annars(mögnuðu pistla) hnígur flest að því sem ég skrifaði áðan. Skítur skítur skítur PLEASE færðu þig á hærra plan. 

K.Kveðja GARPURINN.

[Ásdís Sigurðardóttir, 11.7.2007 kl. 20:31]

Velkomin í menninguna og bloggheima. ´Skítlegt eðli er víða, en þú hefðir nú getað breytt til og notað kvennaklósettin þennan hringinn og gefið okkur konum komment á það. Yfirleitt fer ég Selfoss-Aey í einum rykk og forðast piss og matarstaði.  Hvernig líst þér á niðurbrotna bæinn okkar.?

[Laufey Ólafsdóttir, 12.7.2007 kl. 02:19]

Heyrðu þú þarna Tómas. Elvar frændi minn biður að heilsa þér . Ég ætla að setja þig inn í klukkleikinn góða fyrst enginn er búinn að því.

Klukk Tómas, klukk!

Ætla annars að prenta út þessa bloggfærslu og hafa hana við höndina næst þegar ég álpast útfyrir borgarmörkin. Gæti komið sér vel. Takk fyrir það.

[Ásgeir Rúnar Helgason, 12.7.2007 kl. 10:04]

Hvaða "klukk" er þetta sem svo margir eru að leika sér með hér á blogginu. Það var verið að "klukka" mig hér um daginn? Hvað gerir maður þá?

[Elín Katrín Rúnarsdóttir. , 13.7.2007 kl. 11:55]

Ég klukkaði þig líka

[Elín Katrín Rúnarsdóttir. , 13.7.2007 kl. 13:56]

Eigðu góðan dag í dag

[Guðríður Pétursdóttir, 13.7.2007 kl. 17:56]

ég heyrði þetta öðruvísi 

Andskotinn í helvítinu hóar
hinumeginn við Esjuna snjóar
Mýramenn í koppa sína kúka
og klóra sína lúsugu búka

[Hjalti Árnason, 15.7.2007 kl. 13:09]

Þú veist þetta betur enn ég, fagmaðurinn. Er það vanalegt að setja kjötkraft í aspassúpu? Síðast þegar ég vissi var aspas grænmeti. Nema náttúrulega þessi trénaði. Hann tilheyrir sama fæðuflokki og norskt grófbrauð - spónaplötuflokki.

[Hjalti Árnason, 15.7.2007 kl. 13:11]

Annars ættirðu að koma við á Dalvík, í kaffi hjá gömlu. Helv. krummaskuð, en það er fallegt þar.

[Ása Hildur Guðjónsdóttir, 15.7.2007 kl. 23:57]

Hvernig stóð á því að þú fórst að kúka í hverri einustu vegasjoppu?

Ég fór svona ferð einu sinni með mömmu háaldraða hún þurfti alltaf að pissa ef hún vissi af klósetti á leiðinni :-) Og líka þess á milli. Við höfðum nú bara gaman af þessu

[Guðríður Pétursdóttir, 16.7.2007 kl. 00:25]

HAHAHA góð

[Aðalheiður Ámundadóttir, 16.7.2007 kl. 11:51]

Mæli með nesti. Ísland er fallegra en vegasjoppur

[Elín Katrín Rúnarsdóttir. , 21.7.2007 kl. 16:15]

Sendi þér bros og hlátur inn í daginn, eigðu góðan dag.