Beikon drepur

 Nú er nýbúið að setja ströng lög um reykingar á opinberum stöðum t.d. veitinga- og matsölustöðum.  Ekki er enn komin næg reynsla á þetta bann svo hægt sé að dæma hvort það sé til góða eða ekki, en ég er nokkuð viss um að þetta bann á eftir að búa til fleirri vandamál en menn gerðu sér grein fyrir.   Ég reyki ekki og finn því mun á betra lofti eftir bannið, þó ég hefði frekar kosið að veitingastaðir hefðu tekið það upp, að eigin frumkvæði að takmarka reykingar, eða banna þær hjá þeim vertum sem það hefðu valið.

En nú er þetta fólk sem allt vill banna, "þetta-er-ósiður-og-sóðaskapur" fólkið komið aftur á stjá og heimtar að fólk reyki ekki í bílnum sínum!!  Visir.is er t.d. með könnun þess efnis hvort banna eigi reykingar í einkabílum.  Gaman verður að sjá hvernig sú könnun fer. 

En hvað er það sem stjórnar þessum kenndum hjá fólki að vilja ráða hvað aðrir gera við sitt líf. Auðvitað kemur þetta fólk ekki hreint fram og segir að það vilji ráða yfir einhverjum, heldur kemur með skoðun sína innpakkaða og í þetta sinn undir formerkju "ábyrgur akstur"............ það hefur sem sagt truflandi áhrif á ökumann að reykja undir stýri.  Ég er nokkuð viss um að það er meira truflandi að vera með farþega í bílnum sínum, en að reykja þar.  Sá sem ekki getur reykt og keyrt á ekki að vera með bílpróf  þ.e.a.s ef þú mátt ekki við röskun í neinni mynd, þá ertu varla hæfur til að keyra.

Á meðan reykingar eru löglegar á Íslandi, þá verðum við að leyfa þeim sem velja að reykja, að njóta tóbaksins.  Ekki fordæma.

Ef við ekki spyrnum á móti þessum boðum og bönnum verður ekki langt að bíða þess að þer verður neitað um súkkulaði köku á veitingastað, því greinilegt er að næringarfræðingar voru ekki með þig í huga þegar stöðluð kjörþyngd var ákveðin.  Mundu áður en þú hneykslast á reykingarmönnum.......... að það er beikon sem drepur.

Athugasemdir

[Eiríkur Harðarson, 2.10.2007 kl. 00:39]

Þarna erum við sko mikið sammála, með áframhaldi á þessari reglugerðar-forsjárhyggju. Verður endirinn sá að manni verður bannað að vera með tyggjó meðan maður er á göngu, því maður gæti gleymt að tyggja og ganga í takt.

[Þorsteinn Gunnarsson, 2.10.2007 kl. 22:45]

Heyr

[Rúnarsdóttir, 3.10.2007 kl. 08:36]

Ég vil að það verði bannað að taka í vörina í traktorum! Hvar stendur landbúnaðarráðherra í því máli??

[Heiða B. Heiðars, 5.10.2007 kl. 04:31]

Svo er líkja stórhættulegt að borða pulsu, tyggja tyggjó, horfa út um gluggann, tala við sjálfan sig, laga spegilinn og alls ekki hugsa um neitt sem ekki viðkemur akstrinum!! Við því verða háar sektir;)

[Anna Einarsdóttir, 5.10.2007 kl. 10:50]

Sammála þér,  fáránleg öll þessi bönn.  Er bacon virkilega svona hættulegt ? 

[Jóna Á. Gísladóttir, 6.10.2007 kl. 09:31]

Ég trúði ekki eigin eyrum þegar ég heyrði umræðu um þetta í útvarpinu. Erum við að verða alveg kolvitlaus? Ef reykingabann teygir sig inn í einkabílana þá er nú ekki mikið eftir af einkalífinu.

[Helga Guðrún Eiríksdóttir, 13.10.2007 kl. 02:26]

Hjartanlega sammála. Forræðishyggjan er komin í algert tröllslíki. Ég bý í Englandi þar sem í síðustu viku voru sett lög sem bönnuðu reykingar ökumanna með öllu. Viðurlögin eru nálægt tíuþúsundkall í sekt og þrír óþekktarpunktar á ökuskírteinið.

Ég er nú þegar búin að græða bílverð - fyrir að láta ekki standa mig að verki.