Fegurð Flórens er..........

Fegurð Flórens er eins og lífsklukkan, á votum morgni um miðjan Maí.  Þeir sem eitt sinn til Flórens koma, líta sköpunarverk meistarans ekki sömu augum aftur.  Þar sem ólívu-runnar, eru líkt og lækur sem liðast hægt um fjöll og dali.  Þar sem rauðvínsþrúgan fyllir vitund okkar af losta lífsins, þar líður öllum eins og bróðir minn Ljónshjarta í kirsuberjadal.

 

 Það er helst að aðeins beri skugga á fegurð Flórens og Ítalíu í heild sinni, sú ömurlega bæjar-ómynd sem skakki turninn í Pisa vissulega er.  Hann er einhver sú alversta bygging sem reist hefur verið og er ég hissa á að ekki skuli vera búið að rífa hann eða með öllum hugsanlegum ráðum reyna að rétta hann við.  Að láta þetta standa fyrir augum allra er ítölsku þjóðinni til vansa.  Þetta er óvirðing við formið.  Listformið sem út fyrir hið endalega nær. 

   Ég var reyndar eitthvað utan við mig þegar Einar félagi minn var að reyna sýna mér hvar skakki turninn í Pisa væri, enda erfitt fyrir mann sem dregur á eftir sér hægri löppina að reyna sjá hvað er skakkt og ekki skakkt.  En fyrir tilviljun náði ég mynd af skakka turninum, þegar ég ætlaði að ná mynd af Norskum mæðgum stara á rassinn á Einari.

Í næsta þætti munum við heimsækja Seyðisfjörð, þar sem hámenning hefur aldrei sól þeirra litið. 

Athugasemdir

[Eiríkur Harðarson, 5.6.2007 kl. 00:52]

Sæll Tommi minn Flórens er fögur Þó hljóta menn sem yfirhöfuð lesa þessi "misgóðu blog þín"Í miklum meirihluta góð að geta fundið skrif um Flórens á öðrum vettvangi. PLEASE þetta finnst mér svo hrútleiðinlegt. Mætti ég fá eitthvað beittara.

[Eva Þorsteinsdóttir, 5.6.2007 kl. 02:21]

Ohhh..... beið eftir að renna textanum niður og fá eitthvað meira krassandi ;)

[Eva Þorsteinsdóttir, 5.6.2007 kl. 02:22]

Kall á sprellanum hefði t.d. verið fínt svona til að halda í vinsældir kvennanna.... hehehe

[Rúna Guðfinnsdóttir, 5.6.2007 kl. 03:25]

Ææ það getur verið gaman að brjóta upp hversdagsleikann með spaugi og spuna. Maður má ekki vera of viðkvæmur. Mér finnst voða voða gaman að bullinu í þér Tommi   Hvað er annars E-fólk?  Einhvernveginn finnst mér það hljóma eins og ekkert sérstaklega gott kompliment..?????

[Guðríður Pétursdóttir, 5.6.2007 kl. 05:29]

nöfnin byrja á E hjá þeim báðum mamma mín

ekki gott kompliment það

[s.fannar (IP-tala skráð) 5.6.2007 kl. 10:10]

Það er til nóg af svokölluðum "skoðanahákum" sem þurfa að tjá sigum allt og hafa afgerandi skoðanir á öllu í tilverunni. Mikið af þeim blogga, sumir þenja sig í sjónvarpi osfrv. Þeir eru að troða upp á okkur sjónarmiðum sínum, flestir upp til hópa ekki sérstaklega frambærilegir, hvorki í ræðu né í riti. Fram á völlinn stígur Tómas með annars konar upplýsingar, mjög skemmtilegar og hagnýtar, bráðfyndnar og nauðsynlegar sem mótvægi við alla þessa leiðindapúka. Ferðasögur hafa um aldur og ævi heillað fólk og sérstaklega sögur sem sýna aðrar hliðar á málinu. Ég vil hvetja þig Tómas eða Tommi minn eins og Valgeir Mattías kallar þig, til að skemmta okkur áfram með ferðasögum þínum og tilraunum. Það er nóg af "skoðanahákum" til að skrifa um þetta leiðinlega og fyrirsjánalega.

[Rúna Guðfinnsdóttir, 5.6.2007 kl. 11:15]

Jæja, einmitt það Þá get ég verið viss um  að ég er ekki E-fólk.

[Rúnarsdóttir, 5.6.2007 kl. 11:23]

Sammála Sigga Fannari (vá, aldrei hélt ég að þessi setning ætti eftir að rata frá mér). Farið nú (og gerið allar þjóðir að lærisveinum) og rýnið til gagns þær háæruverðugu og háalvarlegu samfélagsrýni-bloggsíður sem eru í gangi. Við erum að skemmta okkur hérna ...

[Hjalti Árnason, 5.6.2007 kl. 19:58]

Þær geta varla hafa verið norskar, þær horfa bara á glasbotna. Kannski var hann með bjórdós í rassvasanum????