Gallup fellur, en mbl lafir.

 

Ef eitthvað er að marka þessa skoðanakönnun um að sjálfstæðisflokkur fái 55.5% í eyjum, er ég að verða sannfærður um að eyjamenn vilji láta koma svona fram við sig. Sjálfstæðismenn hafa ekkert gert í samgöngumálum til eyja síðustu 16 ár og myndi maður ætla að samgöngur væru aðalmálið í Vestmannaeyjum. Þær einar geta stoppað fólksfækkun, sem hefur verið 100 manns á ári síðustu 10 árin. Ég skil bara ekki hvað veldur því að rúmlega annar hver eyjamaður vill kjósa þennan flokk.

Það er svo rosalega hátt fallið hjá framsókn um land allt að engin minnist á að flokkurinn er að fara úr 23.7% í 14.2% í suðurkjördæmi, miðað við þessa könnun. Reyndar þeim til varnar verður að minnast á að könnun þessi hefur fengið mikla og réttmæta gagnrýni. Það segir sig sjálft að ef einn flokkur er tekin út og um hann spurt sérstaklega, þá fær hann hærra skor.

Samfylking mælist með 24% í þessari könnun, sem er nokkuð nærri því sem hún hefur verið að mælast með. Félagsvísindastofnun mældi Samfylkingu með 28% svo það mætti með sanni segja að flokkurinn sé á réttri leið og verði að öllum líkindum komin yfir 30% eftir þrjár vikur.

Vinstri grænir koma ágætlega út úr þessari könnun, auka fylgi sitt frá síðustu kosningum en eru ekki að mælast eins háir og í síðustu könnunum.

Svo er alltaf spurning hvort taka eigi mark á svona kjánkönnunum þar sem hið fyrrum virta fyritæki gallup legst svo lágt að spyrja óákveðna hvort þeir væru til í að kjósa Sjálfstæðisflokkinn. Þetta er auðvitað fáránlegt að vera með svona skoðanamyndandi kannanir. Það kemur engum á óvart að mogginn skuli taka þátt í þessari vitleysu, þeir eru viðurkennt málsgagn Sjálfstæðisflokksins.

D-listi með 55,5% fylgi í Eyjum

Athugasemdir

[Arnfinnur Bragason, 23.4.2007 kl. 13:55]

Ætli eyjamenn séu bara ekki svona ánægðir með þingmannsefnið sitt og verk hans til þessa!!

[Jenný Anna Baldursdóttir, 23.4.2007 kl. 16:03]

Mér datt þingmannsefnið líka í hug og jafnframt hvort 55% Eyjabúa væru öðru vísi siðferðislega stemmdir en annað fólk?

[Guðmundur Ragnar Björnsson, 23.4.2007 kl. 17:27]

Ástæðan fyrir því að Gallup og reyndar Félagsvísindastofnun spyrja óákveðna hvort að þeir hafi hugsað sér að kjósa Sjálfstæðisflokkinn eða einhvern hinna flokkanna sem 3ju spurningu er til að auka áreiðanleika kannananna og lækka fylgi Sjálfstæðisflokksins. 

Það hinsvegar að Eyjamenn séu að meirihluta tilbúnir að kjósa Johnsen á þing er ótrúlegt. Þeir ættu að vera löngu búnir að átta sig á því að Árni er orðinn slíkur farísei innan flokksins að hann fær engann stuðning við sínar tillögur um samgöngubætur til Eyja. Þeir eru því að kjósa fyrrverandi tugthúsliminn til einskis.

[Heimir Eyvindarson, 23.4.2007 kl. 19:10]

Tiltrú flokksins á Johnsen sést vel á dreifiriti sem kom inná sunnlensk heimili í dag. Þar eru Árni Mathiesen og Kjartan Ólafsson einir á annarri hliðinni, en með fríðan hóp sjálfstæðismanna í bakgrunni á hinni hliðinni. 2.maður á lista flokksins er hvergi sjáanlegur  

[Þorsteinn Gunnarsson, 24.4.2007 kl. 00:00]

@Heimir: Nákvæmklega..

Já Tommi minn... varstu ekki búinn að fá senda fermingarmyndina af Árna Matt í dag? Ja aumingja drengurinn... hann er svo sárþjáður á myndinni og brosið svo freðið og feikað að meira að segja loforðaflaumur sjálfstæðismanna nú korteri fyrir kosningar virkar sko rúmlega sannfærandi miðað við ásjónu Árna Nr. eitt á bleðlinum.  Árni Nr. tvö hefur greinilega verið beðinn um að halda sig heima.

Já Sjallar... endilega sendið meira af svona djókpóstum... þarf ekki nema 2-3 í viðbót fram að kosningum og þá er Samfylkingin komin með 5 -6 menn kjörna hér í Suðurkjördæmi. Já það er sama hvaðan gott kemur.

[Tómas Þóroddsson, 24.4.2007 kl. 18:34]

Já þessi bæklingur var snilld......þeir eru svo fótóshoppaðar Árni Matt og Kjartan Óla að þeir voru sem tvíburara þarna