Leiðsögn út í lífið.

 

Ég er nú bara eins og aðrir íslendingar með það, að ég hef óskaplega gaman að ljóðum og vísum.  Allur kveð-skapur er mér að skapi ef svo mætti komast að orði.  Frá því ég var ungur strákur hefur kveðskapur alltaf verið mitt helsta áhugamál og má með réttu segja að vísur, ljóð, kvæði og limbrur hafi mótað mitt líf.  Alltaf kemur kveðskapur mér jafn mikið á óvart og nær undantekningalaust hlæ ég dátt við að heyra nýtt kvæði.  

Eitt form á kveðskap hefur þó verið eins og rauður þráður í gegnum mitt líf, en það eru úrfellingakvæði og hef ég lagt nokkur slík á minnið.  Gríp ég ávalt og ber þau fyrir mig ef erfiðar aðstæður koma upp í mínu lífi og er það með ólíkindum hvað fólk hrífst með þeim sem kvæði kunna.

Uppáhalds úrfellingarkvæði mitt er Úllen dúlen doff og er það svona: Úllen dúllen doff, kikki lani koff, koffi lani, bikki bani, úllen dúllen doff.

Svo ég nefni nú dæmi, máli mínu til stuðnings.  Þá fór ég í bíó um daginn og þegar röðin var komin að mér að kaupa bíómiða kom smá fát á mig.......en þá greip ég í uppáhalds úrfellingarkvæðið mitt og tók þá á móti mér fliss, rjóðar kinnar og hugfangin glampi í augum afgreiðslustúlkunnar.  Þannig að ég skora á ykkur að leggja þetta úrfellingarkvæði á minnið og hafa til að grípa í.

 

Athugasemdir

[Ásdís Sigurðardóttir, 18.5.2007 kl. 14:14]

Þú ert ruglukollur limbran þín !!! þetta heita limrur.

[Jenný Anna Baldursdóttir, 18.5.2007 kl. 14:16]

Hahaha Ugla-sat-á-kvisti-átti-börn-og-missti. Þetta kemur áfallt út á mér tárunum.  Tommi minn þessi ljóð heita ekki úrfellingarkvæði heldur útfellingar!  Eins og "limbrur" heita ekki limbrukvæði!

[Jenný Anna Baldursdóttir, 18.5.2007 kl. 14:17]

ávallt meinti ég djísús þú drepur mig einn daginn Tómas

[Fanney Dóra Sigurjónsdóttir, 18.5.2007 kl. 16:12]

Fín pikköpplína hjá þér!

[Jóna Á. Gísladóttir, 18.5.2007 kl. 16:15]

 við upphaf lesturs var ég að hugsa hvort þú ætlaðir að fara að sýna á þér alvarlega og mjúka hlið. Þó ég þekki þig auðvitað ekki neitt fannst mér þetta ansi dularfull byrjun. En, þú veldur ekki vonbrigðum .  Aftur á móti bendi ég á enska orðið limber sem þýðir liðugur og spurning hvort þú hafðir eitthvað slíkt í huga þegar þú talar um Limbrur. Tungulipur eða tunguliðugur... hmm..

[Sigfús Sigurþórsson., 18.5.2007 kl. 21:09]

Hahahaha, góóóður.

[Heiða B. Heiðars, 18.5.2007 kl. 21:22]

Oh my dog! Þvílíkur rugludallur sem þessi maður er!! 

[Ásgeir Rúnar Helgason, 18.5.2007 kl. 22:41]

BLOGGVINIR: Vegna góðra viðbragða við birtingu á þýðingu á smásögu eftir Tolkien (Laufblað eftir Nostra) á blogginu mínu hef ég ákveðið að birta frumsamda smásögu eftir sjálfan mig (sic!) á blogginu. Sagan er hér ef þið hafið áhuga:

[Guðríður Pétursdóttir, 19.5.2007 kl. 07:42]

ég vildi að ég væri svona vel að mér í kveðskap

[Guðríður Pétursdóttir, 22.5.2007 kl. 00:27]

Hey Frómas, það er orðið langt á milli blogga... Ekkert að gerast hjá þér???

[Fanney Dóra Sigurjónsdóttir, 22.5.2007 kl. 00:31]

Jæja... höhömm.... bara verið að svelta mann!

[Ásdís Sigurðardóttir, 22.5.2007 kl. 15:05]

Ertu kannski með ISG og Össuri í stjórnarmyndunarviðræðum?? gæti trúað því  láttu heyra frá þér kæri samhverji

[Ásdís Sigurðardóttir, 22.5.2007 kl. 15:06]

átti að vera samherji, en stundum taka puttarnir völdin

[Heiða B. Heiðars, 22.5.2007 kl. 20:01]

Hummm... hefur einhverjum dottið í hug að láta auglýsa eftir manninum?

[Þorsteinn Gunnarsson, 22.5.2007 kl. 21:57]

@Heiða

Hann er örugglega að fagna með sínum manni sem var gerður viðskiptaráðherra nú rétt í þessu... Ætli Björgvin geri hann ekki að aðstoðarmanni sínum... þá fyrst ver nú að verða gaman að stjórnmálunum

[Heiða B. Heiðars, 22.5.2007 kl. 22:38]

Já rétt! Til hamingju með þinn mann Tommi!!!!!

[HP Foss, 23.5.2007 kl. 23:04]

Tómas hefur tekið sótt,
trítill ei til sóma.
Gepill átti góða nótt,
ýmist bar á góma.

[Fanney Dóra Sigurjónsdóttir, 23.5.2007 kl. 23:04]

Maður fer bara að vera pínu skelfdur.. Tommi? Tooommi? Toooommmmiiii?

[Tómas Þóroddsson, 24.5.2007 kl. 00:06]

Voðalega eru þið sæt að leita að mér.........en ég var nú bara að reka menn úr stólum.  Það er ótrúlega mikið að gera hjá mér þessa dagana....en ég ætla reyna vera duglegur að blogga.  

Svo á ég líka eftir að lesa ótrúlega mörg blogg frá ykkur.  Það væri gott ef þið hefðuð það í huga að næst þegar ég fer í smá pásu að þið mynduð gera það líka.

[Heiða B. Heiðars, 24.5.2007 kl. 00:17]

Og þú ert... ?