Þið þurfið ekkert að óttast....

 

Aðeins hefur borið á misskilningi meðal andstæðinga Samfylkingarinar að þegar hún tekur við, verði hér ekkert gert og þjóðarskútunni siglt á kaf. En það get ég fullvissað ykkur um að verður ekki gert.

  

Samfylkingin ætlar að fresta, já aðeins fresta álversuppbyggingu og gera heilstæða áætlun um hvar eigi að virkja og fyrir hvað. Svo eftir ca 3-5 ár þegar búið verður að gera áætlun þá er kannski tímabært að gera fleirri álver eða ekki, heldur gera eitthvað annað. Eitthvað annað þarf ekki endilega að vera jurtate framleiðsla eða ganga um á sauðskinsskóm. Í okkar hraða heimi getur gerst alveg ótrúlega mikið á aðeins 3 árum. En þið þurfið ekki að vera hrædd um að þurfa að ganga í sauðskinsskóm og drekka bara jurtate.

  

Á meðan Samfylkingin frestar álversuppbyggingu ætlar hún að setja kraft í samgöngubætur og það mun skila auknum hagvexti. Þannig að það verður mjúk lending eins og Davíð Oddsson bað um. Já við komum fram við alla að virðingu, sama af hvaða sauðarhúsi þeir koma.

  

Já og svo ætlar Samfylkingin að nota tímann, á meðan engar virkjanir verða til að taka heilbrigðiskerfið til endurskoðunar. Jafnaðarmönnum finnst ekki að biðlistar í aðgerðir eigi að vera lögmál, ekki frekar en biðlisti í 6 ára bekk. Það myndi enginn sætta sig við biðlista í grunnskóla, afhverju þarf það að vera lögmál að það sé biðlisti í hjartaþræðingu. Það sjá allir sem vilja sjá að það er þjóðhagslega óhagkvæmt að taka fólk úr umferð og setja á biðlista, það skapast ekki hagvöxtur á meðan, svo við lítum nú bara kalt á málið. 

  Þegar Samfylkingin verður búin að taka við mun hún stuðla að velferðarsamfélagi, með frelsi einstaklingsins í fyrirrúm. Samfylkingin veit að það er hægt að gera samfélag þar sem hagvöxtur er í hávegum hafður og jafnframt verður engin einstaklingur skilin útundan. Þetta er bara spurning um að þora. Þora að breyta, til að bæta.  

 

Athugasemdir

[Jón Þorkell (IP-tala skráð) 16.4.2007 kl. 13:55]

Tommi þú þarft að taka á þessu.  Breyta heiminum.  Hætta öllu biðlistabulli og ráðast á rót vandans.  Heilbrigðiskerfið þarf betri primary care.  Primary care er stundum kallað heilsugæsla á íslensku en má ekki rugla saman við heilsugæsluna.  Það þarf að huga betur að greiningu og meðferð krónískra vandamála.  Ef þú lagar það þá leysirðu um leið vandamál spítalans.  Hann er fullur af fólki með krónísk mál sem hugsanlega þurfa ekki innlögn ef primary care er í lagi.

Svo skaltu fá einhverja duglega gaura út í bæ sem eru til í að eyða biðlistunum þínum - en þú (ríkið) þarft að borga fyrir það. 

Áfram Selfoss 

[Jenný Anna Baldursdóttir, 16.4.2007 kl. 15:33]

Okokok, þið eruð næst best á eftir VG.

[Tómas Þóroddsson, 16.4.2007 kl. 17:17]

Sæll doktor Jón. Ég er sammála þér. Held það sé hægt að eyða biðlistum að mestu. Núverandi ríkisstjórn er orðin hluti af vandamálinu, getuleysi hennar í heilbrigðismálum er algjört. Þar eru engar forvarnir og kerfið bara bólgnar út. Ég held reyndar að það sé hægt að eyða biðlistum, án mkils kosnaðar.Selfoss rúllar.

Nei Jenný!!! skoðaðu stefnuskrána!!! 

[Guðmundur Ragnar Björnsson, 16.4.2007 kl. 17:25]

Tommi

Það er ekki nóg að segja þora að breyta og bæta. Segjum sem svo að þið kæmust í  tveggja flokka stjórn með VG þar sem VG væri stærri. Varla yrðuð þið einráð í efnahagsmálum? Átak í samgöngumálum er þjóðhagslega hagkvæmt en skilar ekki tekjum í ríkissjóð í einu vetfangi. Að ná inn arði af slíkum framkvæmdum tekur mörg ár og ríkissjóður er ekki ótæmandi. Hvar á að ná í fjármagnið fyrir samgönguátakinu og heilbrigðispakkanum? 

[Tómas Þóroddsson, 16.4.2007 kl. 20:06]

Nei Samfylkingin myndi aldrei verða einráð í efnahagsmálum, því miður. Hvort sem Vg yrði stærri eða ekki. Eg tel að nú, eftir sölu ríkisfyritækja og byggingu álvera sé tækifæri til að hægja á ofþennslunni, en viðhalda hagvexti í ákveðin tíma með framkvæmdum í samgöngu- og heilbrigðis kerfinu.

Einnig finnst mér við bera skyldu til að bera meiri virðingu fyrir náttúrunni. Ekki halda að ég sé samt á móti virkjunum, alls ekki. Ég held að frestun á virkjunum sé tímabær.

Vöxtur verður í ferðaþjónustu áfram og er nauðsynlegt að bæta aðgengi að helstu ferðamannastöðum, með hliðsjón af verndun umhverfis.

Líklega er tækifæri núna. Svo breytist ótrúlega margt í veröldinni á ca þrem árum. Kannski náum við að finna eitthvað annað á þeim tíma, en kannski ekki. Hvað þá? spurning um að byggja álver. 

Ein spurning. Hvað vilt þú mörg álver í viðbót Guðmundur ?