Aðeins að tóna það

 

Cool hjá Eiríki Hauks að tóna rauða hárið og greinilegt að Ásgeir Kolbeins er að ráða mönnum heilt. Það segir sig sjálft stelpur, maður vinnur ekki eurovision með karrýrautt hár.

Vegna þess mun ég opna málverkasýningu mína föstudaginn langa kl 12.00. Já handtakið þið mig bara og brennið málverkin ef ykkur er mál. Fasistar.

Afhverju eru íbúar Þorlákshafnar svona heppnir??

Er Gunnar Birgisson Birgisbarn og var hann að róta í bakgarði?

Heilafimi

Þetta finnst mér svo gaman. Ég mun nú koma með í hverji viku fram að kosningum markvissar æfingar fyrir heilann. Þannig að 12.05.07 munum við öll ganga í FYLKINGU og merkja SAMAN rétt. Andaðu nú rólega í 10 sek áður en þú ýtir á þetta..........

Skrár tengdar þessari bloggfærslu:

• heilafimi

Sjúklegt samband

Ég gæti alveg hugsað mér að kjósa vinstri græna eða sjálfstæðisflokk ef ekkert annað væri í boði, því aldrei myndi ég skila auðu eða mæta ekki á kjörstað. Ung stúlka spurði mig fyrir síðustu bæjarstjórnakossningar, hvað mætti kjósa oft. Henni fannst það eðlilegt eins og í idol-inu. Ef það mætti kjósa tvisvar myndi ég aldrei kjósa þessa flokka saman, það er sjúkt.

Mér fannst samt skemmtilegt að sjá Ögmund vinstri grænan algjörlega úr karakter í Silfrinu. Hann var lúmskur, brosandi og biðjandi Illuga um að flengja sig. Þetta samband vinstri grænna og sjálfstæðisflokks gæti orðið mikið framfara spor fyrir BDSM menningu íslendinga. Gott væri reyndar fyrir flokksforingjana að kynna sér samtökin áður en riðið er úr hlaði.

Það er reyndar ótrúlega margt líkt með sjálfstæðisflokk og vinsri grænum, enda ekki skrýtið því báðir flokkanir íhaldsflokkar þó annar sé lengst til vinstri og hinn lengst til hægri.

Tökum dæmi

1. Hvorugur flokkana vill heyra á það minnst að íhuga evrópusambands-aðild, það má bara ekki tala um það.

2. Ögmundur vinstri grænn sagði í viðtali að gott væri að losna við stóru fyritækin úr landi til að auka jöfnuð, félagi hans Árni Matt hjá sjálfstæðismönnum tók undir orð hans í síðustu viku og sagði að ekkert væri að því þó Straumur burðarás myndi yfirgefa klakann.

3. Fylgismenn flokkana eru mjög húsbóndahollir, það er aldrei einhver innan flokkana sem hefur aðrar skoðanir en foringjar flokkana.

4. Björn Bjarnason er búinn að vera með leyniþjónustu í maganum í nokkur ár, Steingrímur joð kom fram með hugmynd um netlöggu fyrir nokkrum dögum síðan. Sólveig á pappalöggur og löggubúningar fást í öllum helstu hjálpartækjabúðum landsins.

 

 

 

Svo að endingu legg ég það til að öll ummerki um tilvist framsóknaflokksins verði afmáð úr samfélagi þjóðanna.

ekki sama séra Saddam og....

Já það er ekki sama hver er. Hér  neitaði forseti Líbýu, Muammar Gaddafi að eiga gjöreiðingavopn og þess vegna finnst bandaríkjastjórn tilvalið að hjálpa þeim að gera kjarnorkuver. Að sjálfsögðu verður það eingöngu notað til rafmagnsframleiðslu.

Afhverju varð allt brjálað þegar N-kóreumenn voru að framleiða rafmagn með kjarnorku?

Afhverju var ekki hlustað á Saddam Hussen þegar hann sagðist ekki eiga gjöreiðingavopn?

Ég veit að ég fæ ekki svör hér á síðunni þar sem Saddam er farinn á vit feðra sinna, enda er ég bara að velta þessu upp.

Morgunblaðið í sókn

Fyrir nokkrum dögum síðan koma það í minn hlut að tuska mogga-fólkið til. Þau hafa aðeins verið í ruglinu, en eru nú á hraðri uppleið. Verð ég nú að hrósa þeim sérstakleg fyrir góð efnistök og vandaðan fréttaflutning. Þetta (á bls 8 í mogganum 12.03.07 ) sýnir hvað blaðamenn moggans eru í raun vandað fólk. Sýnir næmni þeirra og að enn er til fólk með fréttanef. 

 

...en afhverju má það ekki ?

Agla rústaði þessu þriðja árið í röð, sjá frétt .

....en afhverju má það ekki, ef henni finnst hún hafa erindi í keppnina ár eftir ár.

Hvenær er maðurinn fæddur?

Þessi gleraugu sem Bingi ber voru í tísku á hippaárunum ca 1968. Hann segist vera 11 ára þegar myndin er tekin. Getur það verið að hann sé fæddur 1957 og sé því fimmtugur seinna á þessu ári ?  Eru Björn Ingi og Osama fermingarbræður ? Nei því á ég bágt með að trúa .Sjá mynd hér

Silfur Egils

Það gæti verið að ég myndi bíta í stofuborðið í hádeginu. Ef myndatökumaðurinn sem tekur upphafsræðu Egils í Silfrinu á morgun lætur myndavélina ganga frá andliti Egils og að ljósakrónu og svo aftur á Egil, svo yfir á næsta borð, þá......... já. Svona aflíðandi myndataka er óþolandi. Getur verið að myndatökumaðurinn sé búin að horfa á of mörg kynlífsatriði í James Bond myndum, þar virkar þetta. En sem sé, allt eins má búast við því að ég bíti í stofuborðið í sunnudagshádeginu .

Tilraun 3

 

Ég held að allar bestu hugmyndir mannkyns hafið komið óvart til vísindamannsins. Þannig er það um þessa tilraun, hún er ekki fullkláruð, en ég er búinn að reyna allar hugsanlegar útilokunaraðferðir og með sanni má segja að læknavísindin verði ekki söm á eftir.

 

Fyrir viku síðan sagði félagi minn mér frá “háfjallaveiki” ég helt fyrst að hann væri að tala um lofthræðslu, sem engin þekkir betur en ég, en svo var ekki, “háfjallaveiki” lýsir sér þannig að ef þú ert að klifra á mjög há fjöll ca 4000 metra + þá þornar þú upp og færð niðurgang. Daginn eftir er ég lagstur í rúmið, sennilega með háfjallaveiki og það skrýtna var að ég hafði aldrei á æfinni komið uppá svo stórt fjall.

 

Nú var ég komin á sporið. Ég gerði tilraun á bróður mínum, hringdi nokkra daga í röð og spurði hvort hann væri með kvef, á fjórða degi jánkaði hann því.

 Því má með einföldum hætti álykta að sjúkdómar geti smitast með röddinni einni saman og hlakkar mér nú til að heyra viðbrögð læknavísindanna við þessari tímamóta uppfinningu.

 

Til þín Ómar

Ómar Ragnarsson, er það að stofna stjórnmálaflokk og skýra hann íslandsflokkinn ekki svipað og að fara út í ómengaða náttúru íslands og reisa stærstu virkjun í evrópu?

Mér finnst ekki nógu mikið jafnvægi í nafni flokksins og í hugmyndum þínum um að koma fram að virðingu við náttúruna og nánasta umhverfi okkar.

Annars líst mér, við fyrstu sín ágætlega á þetta framboð hjá ykkur.