....og hvað svo

 

Er að spá í hvort það verði gerð kvikmynd um þetta

Akureyringar

 

Jahá þeim er ekki margt til lista lagt, fólkinu sem býr á Akureyri.  Ég heyrði í Bylgjufréttum að innfæddum fannst þeir spila heldur hátt á nikkuna........ ekki ætla ég að rengja það.  Eitt skil ég reyndar ekki............ afhverju tóku heimamenn ekki bara harmonikkunar og skáru á belginn, sneru Rúmenana niður og fylltu vit þeirra af sojasósu....þeir hefðu skilið það.

Átta rúmenskir harmonikkuleikarar sendir suður

Ég krafðist þess að tvöfalda

Á síðasta ári fór ég á afar merkilegan fund um tvöföldun Suðurlandsvegar.  Þessi fundur var haldin á Hótel Örk og var ekki ómerkari maður en Árni Johnsen sem hélt fundinn.  Ástæðan fyrir því að ég fór á fundinn var fyrst og fremst áhugi minn á tvöföldun vegarins, ekki að ég væri svag fyrir Árna Johnsen. 

Ég átti von á mikið af Sjálfstæðismönnum í Örkinni á haustdögum síðasta árs og var undir það búinn að svara fyrir veru minni á þessum stað.  Ekki mættu margir Sjálfstæðismenn og var ég hissa á því. .  Fundarstjóri var Þór Sigfússon frá Sjóvá og var erindi sem hann flutti virkilega spennandi.  Hann var með hugmyndir um að gera veginn í einkaframkvæmd og var ég að mörgu leiti sammála honum

  

  Tvöföldun Suðurlandsvegar hefur verið baráttumál Samfylkingarinar í Suðurkjördæmi um nokkuð langt skeið.  Björgvin G Sigurðsson hefur skrifað nokkrar greinar um þetta mál og fyrir tæpum tveimur árum skrifaði ég meira að segja grein, maðurinn sem varla nennir að lyfta penna.  Sú grein heitir “Sænskir sveitavegir” en varð nú reyndar ekki sú tímamótagrein sem ég hélt hún yrði............en á meðan ég er að skrifa þetta læðist að mér sá grunur að kannski hafi hún verið það, sennilega var þetta tímamótagrein sem fór inn í Fréttablaðið á sýnum tíma og breytti þvermóðsku einhverja Sjálfstæðismanna.   Því Árni Matt sem var mikið á móti þessum vegi fyrir greinarskrif mín, hefur nú mildast í afstöðu sinni gegn tvöföldun.  Reyndar skulum við virða Árna Matt það til vorkunnar að meira að segja Kjartan Óla vildi ekki flytja tillögu með þingmönnum Samfylkingarinnar um 2+2 veg og var hann þó þingmaður úr Suðurkjördæmi.

 Árni Matt er nú, ef ég fer rétt með búinn að stoppa Sturlu með sinn 2+1 sænska-sveitaveg og er orðinn sammála mér um 2+2 veg og er það vel.  En aðalástæðan fyrir skrifum mínum er að ég átti eftir að þakka Árna Johnsen og Þór Siffa fyrir virkilega góðan fund, þakka ber það sem vel er gert.

Guðni í sérverkefnum

Hér er Guðni að fikta með atómsprengju, en þetta er hluti af nýsköpunarverkefni Framsóknarflokksins "uppbygging í Írak, ekkert stopp".  Ef vel er gáð er hægt að sjá á myndinni að hver taug hans er þanin vitneskju um að auknabliks kæruleysi getur haft ófyrirsjáanlegar afleiðingar 

"miðtaugakerfið hans virðist ekki þola meira rask en lóusöng" sagði dr Aðalsteinn Þorbergsson sem hélt utan um verkefnið.

Þessi þrjú sem standa hjá í viðbragðsstöðu eru allt starfsmenn heilbrigðiskerfissins, tilbúin að grípa inní ef illa færi......en þess má geta að þau þrjú eru öll í fullkomnu jafnvægi.

flökkumenn

Sunnlendingar hafa hent gaman að því þegar flökkumenn koma í sveitina og fara á milli bæja. En það hafði ekki gerst um nokkurt skeið, fyrr en nú fyrir stuttu að hingað kom flökkumaðurinn nokkur að nafni Árni Mattisen og var með gamansögur, vísnasöng og steppdans, en fékk að launum að borða á sveitabæjum.  Var eftir því tekið að hann blandaði vatni í gosið sitt, helti mjólk á ísinn sinn og muldi smákökur á skyrið.  Einnig var haft orð á því að hann væri flóttalegur til augnana, eins og tamt er um flökkumenn.  Þegar Árni var spurður um ferðir sínar og hvert ferð væri heitið, snéri hann útúr fyrir verðandi sveitungum sínum og svaraði “leyfðu mér að komast að, tölunar eru vitlausar...gúgulígú”  Þótt mönnum þetta mjög fyndið í fyrstu og kölluðu hann Árni-gúgú, honum til mikilar ánægju.

   

Svo er snjó tók að létta og Árni var orðin allmikil byrði á bændum og ekkert farasnið virtist á honum fóru þeir að veita breytri hegðun hans athygli.  Árni Matt hegðaði sér eins og nafni hans Árni heitinn Johnsen sem hafði flakkað um sunnlensk héruð alla sína tíð, en hann var nú búið að hlekkja niður.

   

Árni heitin Johnsen fæddist í Vestmannaeyjum en kenndi sig ávalt við Þykkvabæjinn, eins og eitt hans frægast ljóð vísar í “þegar ég var pínulítill patti, var mamma vön að rugga mér í vöggu, í þeim gömlu, kartöflugörðunum heima. Það var í miðjum Þykkvabænum, svona einn komma sjö kílómetra frá sænum” þarna rifjar Árni, á tregafullan hátt upp æsku sína, kærleiksríkt samband við móður sína og þá djúpstæðu virðingu sem skáldið hefur fyrir fósturmold sinni. 

  Ekki var nóg með að flökkumaðurinn sagðist heita Árni og vera SEN, en ekki son, heldur var hann orðin mjög svo önugur.  Hann gerði orðið lítin greinarmun á sannleika og skröksögum sínum.  Uppá það síðasta sagðist Árni Matt hvergi annars staðar vilja búa en í Þykkvabænum (sjá hér) og gerðist síðan svo óforskammaður að segjast eiga lögheimilli á óíbúðarhæfu býli, til þess eins að fá ölmusu frá sveitinni.  Nú er þetta að sjálfsögðu ólöglegt, eins og segir í 1. grein laga um lögheimilli frá 1991 (sjá hér) og eru sveitungar hans ekki á eitt kosta sáttir með þennan mann sem virðist hafa verið sendur úr Hafnafirði.  Aðeins hefur borið á þeirri sögu að Árnanir séu einn og sami maðurinn, en ætla ég ekki leggja trúnað á það nema fá að sannreyna það fyrst og mun næsta tilraun mín snúast um það.  Það er samt ótrúleg tilviljun hvað margt er eins með þeim kumpánum og fóstbræðrum. 

Landlæknisembættið

 

Mér brá nokkuð í brún er ég opnaði spurningalistan frá Landlæknisembættinu sem ég fekk í pósti áðan.  Þetta er listinn sem ég fæ um hver mánaðarmót, eins og aðrir nýtir þegnar þessa lands.  Þarna voru að venju spurningarnar eins og: Stríðir þú dýum?  Finnst þér notalegt að róla? og Hlærðu þegar þú ferð í kollhnís?

  

Nú var búið að bæta við spurningunnum:  Ertu með marblett? og Ætlar þú ekki að kjósa sjálfstæðisflokkinn?

 Já þið verðið að afsaka en ég skil ekki hvernig þessi næstseinasta spurning getur átt samleið með hinum.........Ertu með marblett???

 

 

Götunafnanefnd

 

Eitt af vandamálunum sem fylgir því að borgir stækka er að finna götunöfn.  Þegar Selfoss stækkaði var sótt hugmynd til Reykjarvíkur um að gera Hólahverfi.  Fyrsta árið voru gerðar þrjár götur og þær skírðar Álfhólar, Tröllhólar og Dverghólar.  Mér kom ekki dúr á auga næstu nætur eftir að ég sá hvað götunar myndu heita.

 

Sko það eru til dvergar............ en tröll og álfar eru bara í þjóðsögum.....þarf alltaf að vera gera grín af einhverjum?  Hverju áttum við von á næst rauðhausahólum, átti að halda áfram að niðurlægja minnihlutahópa?

 

En ég má ekkert aumt sjá og sendi götu-nafna-nefnd bréf og fór fram á að nafninu yrði breytt á þeim forsendum að dvergar væru til, en ekki tröll og álfar.  Ég fékk bréf til baka og ég beðin um að sanna tilvist dverga.  Ég fór með dverg niður á bæjarskrifstofu og bað þá um að sanna tilvist álfa.  Eitthvað fát kom á nefndarmenn og var humm-að í dágóða stund.  Dvergurinn er en til skoðunar hjá nefndinni og götunar heita enn sínum nöfnum.

Fékk svo viku seinna mynd af fjármálaráðherra, en geri mér ekki fullkomna grein fyrir hvernig hann tengist þessu máli. 

 

Óli og Sísi

 

Dóttir mín er að læra að lesa. Hún byrjar í skóla í haust og er núna að lesa um Óla og Sísi.  Hún hikaði aðeins við "Sísi sá ís" fannst furðulegt að sjá ís án þess að borða hann.

Sonur minn, sem búinn er að læra lesa fyrir nokkru síðan fannst skiptingin fyndin hjá þeim Óla og Sísí "Óli á síma og úr" cool, "Sísi á ól og ás"  furðulegt........hei krakkar ég á ás!! ...áttu ás?....ok förum þá að leika með hann.  

 

 

framsókn

 

Mikið hefur nú verið tjúttað við þetta lag í mínum vinahóp í gegnum tíðina.  Þarna eru framsóknarmenn í s-inu sínu, sól og samba.  Þetta er nú eitthvað annað en ósköpin sem voru send mér í pósti í dag.  Já þið sem ekki búið í suðurkjördæmi, þakkið guði.......já eða ódýru húsnæði á Neskaupstað. 

 

Var búinn að lofa þessu lagi.  Var líka búin að lofa málverkasýningu hingað inn, hún kemur bráðum..........  Slakið aðeins á !!!

  

Hversu langt er hægt að fara?

 

Mér finnst alltaf gaman að heyra Gunnar í krossinum staðfesta tilvist guðs með sinni sannfæringu og vitna í biblíuna.  Trú hans er svo mikil, að alla gagnrýni vantar hjá honum og sér hann ekki að það er kjarni málsins, að yfirleitt trúir sá sem hann deilir við, ekki á biblíuna.  Það er því hálf marklaust að segja "Það stendur í hinni heilögu ritningu, svo lítið þýðir að deila um það, félagi" og halda að sigur andans sé innan seilingar.

Gunnar í krossinum má nú eiga það að hann vitnar þó í biblíuna máli sínu til stuðnings.  Nú hefur einn trúarhópur gengið skrefi lengra og vitnar óhræddur í fyrri trúarjátningar sínar, máli sínu til stuðnings.

 

"En þar að auki hljóta að verða uppi spurningar um hversu traustur samstarfsaðili Samfylkingin væri. Hér í Reykjavíkurbréfi hefur því verið haldið fram á undanförnum vikum, að í forystusveit Samfylkingar logi allt í illdeilum. Kjarni þeirra deilna eru auðvitað átökin á milli Ingibjargar Sólrúnar og Össurar Skarphéðinssonar. Það er barnaskapur að halda að þeim sé lokið. Fari kosningarnar á þann veg, sem kannanir benda til, getur Össur Skarphéðinsson sagt með rökum, að formannsskiptin í flokknum hafi verið mikil mistök."

 

Þetta er náttúrulega ekki í lagi.  Þarna er morgunblaðið að vitna í morgunblaðið, máli sínu til stuðnings.