ljón háloftanna

 

Mikið ofsalega er nú alltaf fallegt gargið í hettumávinum (Larus ridibundus), hann er sá fugl sem fær mig til að gleyma öllum heimsins áhyggjum og fyllir mig af trú á sköpunarverkið.  Ég hef frá því ég var barn alltaf fundist hettumáfurinn fugla fegurstur, hann hefur með réttu alltaf verið kallaður ljón háloftanna.  Ég get setið endalaust og dáðst af fegurð hans og flugfimi.  Mér finnst að hettumávurinn ætti að fá lágmarks mannréttindi, þó ekki væri nema bara útaf því hann borðar franskar eins og við.  Á mínu heimili eru bara myndir af hettumávum, það er fyrst og fremst trygglyndi hans við land og þjóð sem fær mig til að hengja upp fleiri og fleiri myndir.  Hann er hér allt árið, hann fer ekkert eins og hinir fuglannir.  Svo hef ég aðeins verið að rannsaka orðatiltæki manna og þar skín svo í gegn hvað mávurinn á mikið í okkur íslendingum.  Allir kannast við þegar einhverjum líkar vel við einhvern þá á hann það til að segja t.d. “þetta er Gunnar mávur minn” og jafnvel “hva....eru við nú orðnir kviðmávar?”    

Athugasemdir

[Laufey Ólafsdóttir, 29.5.2007 kl. 12:35]

Íslendingar eru mávavinir miklir og gargið í þeim er einstaklega heimilislegt á síðkvöldum. Ljón eru líka sæt. Þú ert farinn að örvænta eftir góðum bröndurum ekki satt Tómas? Erum við mávkonur?

[Ásdís Sigurðardóttir, 29.5.2007 kl. 13:18]

Er ekki allt fullt af kviðmávum á Selfossi, svona litlum bæ. Sumir komnir á hring no.2. Nei maður má ekki segja svona. Annars er hrafninn minn fugl og mikið af honum hér í bæ. Sonur minn sagði fyrir mörgum árum að ástæðan fyrir krummafjöldanum væri sú að þetta væri krummaskuð.

[Rúnarsdóttir, 29.5.2007 kl. 14:11]

KRUMMASKUÐ?!? *sagði-hún-og-opnaði-skottið-til-að-sækja-hafnaboltakylfuna*

[Guðríður Pétursdóttir, 29.5.2007 kl. 21:08]

við sonur minn og fleiri vorum einu sinni að veiða á bryggju í Bolungarvík og veiddum óvart máv.. hann beit mig þegar ég reyndi að losa hann,eftir það hata ég máva

sorry Frómas

[Eva Þorsteinsdóttir, 29.5.2007 kl. 21:31]

Þú ert nú meiri...... spé-fuglinn ;)

[HP Foss, 30.5.2007 kl. 00:10]

Ha, ha,ha,ha,,, maður verður nú bara haltur,,, krummaskuð,,,, mikið djéskoti var þetta mátulegt, SelFOSS????  Hvaða helvítis foss?? Væri nær að hafa þetta þá bara Selskuð. Ha,ha,ha,ha,ha,ahiii,,, mér verður óglatt af hlátri,,, eða var það brauðið með remúlaðinu og flóaða mjólkin?

[Heiða Þórðar, 30.5.2007 kl. 00:56]

alltaf jafn smellinn! Páskaunginn þinn!

[Jóna Á. Gísladóttir, 30.5.2007 kl. 01:38]

Geðveikur að venju. I like it. og mér líkar líka vel við máva.

[Rúna Guðfinnsdóttir, 30.5.2007 kl. 08:38]

Mávurinn og Hrafninn eru ávallt aufúsugestir við mitt heimili. Ég fóðra þá á veturna, þeir fá alla matarafganga og lærðu þeir fljótlega að koma á réttum tíma í mat. Móðir mín er enn að gefa mávinum, hún kaupir brauð hjá Jóhannesi handa þeim. Æææ, þeir eru svo svangir  segir hún.

[Heiða B. Heiðars, 30.5.2007 kl. 09:51]

En ertu ekki með neinar myndir af kviðmávunum?

[Ibba Sig., 30.5.2007 kl. 13:55]

Skammastu þín Tommi. Ég sit hérna við tölvuna í vinnunni, er að stelast til að lesa bloggið þitt og bara grenja úr hlátri

Þú ert mesti fáviti í heimi

[Rúnarsdóttir, 30.5.2007 kl. 16:06]

Já hann er soldið mongó ...

[Rúna Guðfinnsdóttir, 30.5.2007 kl. 16:17]

Hérna er afbragðs mynd af hettumávi sem Guðfinnur Þorvaldsson tók. Einstaklega skemmtilegt sjónarhorn.

Hér er linkur að mörgum skemmtilegum myndum Guðfinns.

http://www.flickr.com/photos/guffi_stokkseyri/

[Hjalti Árnason, 30.5.2007 kl. 20:19]

Mávar hafa líka verið notaðir sem einskonar bréfdúfur. Þetta hef ég eftir öruggum heimildum - laginu Hvítu mávar með Helenu Eyjólfsdóttur. Ég geng útífrá textanum að það séu notuð sjöunda eða áttunda skilningarvit til að forrita þá með skilaboðum. Textinn segir mér ekkert um hvort þetta hafi tekist, enda er það ekki áhugavert. Það segir sig líka sjálft að það er varla hægt að binda skilaboðamiða á löppina á mávi - miðinn færi bara sömu leið og frönskurnar

[Guðríður Pétursdóttir, 30.5.2007 kl. 21:09]

já og líka puttarnir á manni...

[Brynja Hjaltadóttir, 31.5.2007 kl. 01:13]

ég sem hef alltaf haldið að þetta héti kviðmágar..svona er maður nú vitlaus í sveitinni..